Боловсрол, Соёл, Шинжлэх Ухааны яамнаас хоёр өдрийн турш “Соёлын төвийн удирдах ажилтны улсын зөвлөгөөн”-ийг амжилттай зохион байгууллаа. Энэхүү зөвлөгөөнд Монгол орны өнцөг булан бүрээс 330 сумын 330 соёлын төвийн эрхлэгчид, мөн нийслэл дүүргүүдийн соёлын ордны захирлууд, соёл урлаг хариуцсан мэргэжилтнүүд оролцсон юм.
Зөвлөгөөнөөр сумдын соёлын төв, дүүргийн соёлын ордны үйл ажиллагааны өнөөгийн байдлын талаар хэлэлцэж, ойрын жилүүдийн үйл ажиллагааны зорилтыг тодорхойлсон юм. Уг зөвлөгөөнийг зохион байгуулахад ДБЭТ, УДЭТ, Улсын филармонийн морин хуурын чуулга, СУИС-ын соёлын сургуулийн багш нар, БСШУ-ны харьяа байгууллагын удирдлагууд болон "Монголын урлагийн залуучуудын холбоо" хамтран ажиллаа.
Ийнхүү “Соёлын төвийн удирдах ажилтны анхдугаар улсын зөвлөгөөн” амжилттай зохион байгуулагдаж сумдын Соёлын төв, дүүргүүдийн Соёлын ордны үйл ажиллагааны өнөөгийн байдал, цаашид хийх ажлаа тодорхойллоо.
www.Urlag.mn
