Өнөөдөр аргын тооллын 2016 оны наймдугаар сарын 03. Лхагва гараг. Билгийн тооллын XVII жарны "Муу нүүрт" хэмээгч Гал бич жилийн Намрын тэргүүн улаан бич сарын шинийн 1. Буд гараг. Үнэг одтой, найман цагаан мэнгэтэй, улаагчин могой өдөр.
Барилдлага: Рашаан
Шүтэн барилдлага: Хурьцахуй
Суудал: Уул
Өдрийн наран 5 цаг 34 минутад мандан, 20 цаг 22 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Тэрсүүд өдөр. Үс шинээр үргээлгэх буюу засуулахад тохиромжгүй хэмээжээ.
* * *ӨРНИЙН ЗУРХАЙ * * *
ХОНЬ (3/21-4/19)
Од эрхэсийн байрлалын улмаас онцгой өвөрмөц санаа, төлөвлөгөө, үйлдэл хийх чадвартай байна. Таны үзэл санааг дэмжигчид тийм ч олон байхгүй бололтой. Гэвч энэ ордныхон бусдын санаа бодлыг сонсох дургүй бөгөөд өөрийн бодол өөртөө зөв гэсэн зарчмаар байдаг хүмүүс юм. Харин цагийг маш сайн барьдаг бөгөөд энэ чанараараа цагаас хоцорсон нэгэнд үнэн голоосоо дургүй байдаг. Магадгүй энэ ордны хүмүүс насан туршийн цаг баригч байхыг үгүйсгэхгүй.
ҮХЭР (4/20-5/20)
Та уйдаж суухааргүй, эрх чөлөө, хөрөнгө мөнгөтэй болно. Нөлөө бүхий чухал хүнтэй харилцаа холбоо тогтооно. Хүнтэй танилцах боломж гарвал зоригтой бай, бүү ичингүйр. Өнөөдөр оддын ивээлийг хүртэнэ гэж бодож тооцоолсны хэрэггүй. Хамтрагчтайгаа харилцах харилцаанд хүндрэл үүсч магадгүй. Бизнесийн хүрээнд идэвхтэй үйл ажиллагаа явуулахад тийм ч таатай бус өдөр. Удирдлага, нөлөө бүхий хүмүүстэй санал зөрөлдөөнтэй байх ба танд тусламж үзүүлэхээс татгалзана.
ХАМТАТГАХ (5/21-6/21)
Мэргэжлийн ажил хэрэг бага зэрэг зогсонги байдалд орно. Гэхдээ өнгөрсөн замаа тунгаан бодох, цаашдын урагшлах үйл ажиллагааныхаа төлөвлөгөөг зохиох боломж гарна. Одоогийн нөхцөл байдалд сэтгэл дундуур байх боловч үүнтэй эвлэрэхээс өөр арга алга. Учир нь таны түншүүд танаас илүү хүчирхэг байгаа тул та заавал буулт хийж таарах нь.
МЭЛХИЙ (6/22-7/22)
Ядаргаа ихтэй өдөр. Энэ өдөр таны тэсвэр хатуужлыг шалгах болно. Өөрийнхөө ядаргаагаа сайтар хянах нь маш чухал. Аль болох уян хатан байж тайван байдлаа хадгалах хэрэгтэй. Эрүүл мэнд болон тамир тэнхээндээ санаа зовох хэрэггүй. Биеийн байдлаа хэвийн байгаа эсэхийг мэдэхийн тулд эмчид хандаарай. Биеийн тамирын дасгал байнга хийх хэрэгтэй.
АРСЛАН (7/23-8/22)
Өөртөө илүү их цаг зарцуулснаар гэр бүлийн уур амьсгал ч зөөлрөх болно. Та компани, албан байгууллагынхаа үйлдвэрчний эвлэлийн гишүүн болохыг зөвшөөрөх хэрэгтэй. Өнөөдөр та сонирхолтой бас хошин зүйлсийг ярьж чадах болно. Хайртай хүнтэйгээ гадуур хооллож өөрсдийн хайранд баяр хүргэ.
ОХИН (8/23-9/22)
Тодорхойгүй өдөр. Өөрийн үг болон үйл хөдлөлөө хяна. Та үнэтэй зүйлээ алдаж болзошгүй. Учир нь та өнөөдөр бусад өдрүүдээс илүү болгоомжгүй байна. Ой санамж нь өвчнөөс бус, од гарагийн нөлөөгөөр энэ өдөр муудна. Гэр бүлд санхүүгийн асуудлаас үүдэн маргаан үүснэ. Та энэ талаар хэдий чинээ их ярина, төдий чинээ хүнд болно. Бусдыг өршөөх хэрэгтэй. Багахан хэмжээний хөрөнгө оруулалт санхүүгийн асуудлыг тань шийдэж магадгүй. Та ухаантай бол ашигтай хөрөнгө оруулалтыг хайна.
ЖИНЛҮҮР (9/23-10/22)
Бие тавгүйтэх, архаг хууч сэдрэх магадлал их байна. Ялангуяа ахимаг насныханд энэ хамаатай. Хувийн амьдралын бэрхшээлүүд эрс шийдвэр гаргах, шийдвэртэй алхам хийхэд хүргэнэ. Биеэ сайтар барь, болзошгүй зөрчил маргаан танд ашиггүйгээр шийдэгдэнэ. Чанартай хоол хүнс хэрэглэ. Орой унтахын өмнө салхинд зугаал. Харин хоолойн ангина, томуугийн вирусаар өвтөхгүй байж үүнээс урьдчилан сэргийлэх хэрэгтэй.
ХИЛЭНЦ (10/23-11/21)
Та өөрийн хүчиндээ итгэн гайхалтай итгэлтэй болсон тул олон зүйл амжуулж чадна. Мэргэжлийн салбарт ажил төрлийн асуудлыг шийдэх, гэр бүл болох том эд хөрөнгөтэй болох, аялж зугаалах болон амарч тухлах талаар төлөвлөхөд тохиромжтой агшин. Эд зүйл худалдан авах, хуримтлуулах, мөнгө хураахад ээлтэй. Ойрын 7 хоногт төлөвлөгөөгөө биелүүлэхэд сайтар бэлтгэх шаардлагатай. Өнөөдөр жолооны ард бүү хурдал, зам хөндлөн гарахдаа болгоомжтой бай.
НУМ (11/22-12/21)
Таатай өдөр. Өчигдрийн тав тухгүй байдал, түгшүүр энэ өдөр амархан арилна. Cap таны ордонд нүүж, таны ойр дотны хүмүүсийн харилцаа холбоог гэрэлтүүлнэ. Та сэтгэл санаагаа цэвэрлэ. Хэдийгээр бага зэргийн гомдолтой байгаа ч таныг бусад хүмүүс хүлээн авахад бэлэн байна. Тиймээс сүүдэр дундаас ил гарахад таатай. Та шийдвэр гаргахдаа итгэлтэй бай, учир нь хайрт тань болон гэр бүлийн хүмүүс таныг дэмжиж туслахад бэлэн байна. Ажил дээрээ ч бусдаас тусламж гуйхдаа санаа зовох хэрэггүй. Харин ганц бие хүмүүс урьд нь хэзээч анзаарч байгаагүй нэгэнд анхаарлаа хандуулах бололтой.
МАТАР (12/22-1/19)
Өнөөдөр ажил хэргийн ямар ч уулзалт төлөвлөх эсвэл хайрын болзоо зохион байгуулахаас татгалз. Учир та энэ удаад яаж ч хичээгээд харилцан ойлголцол үгүй бөгөөд зөвшилцөлд хүрэхэд туйлын хүнд байх болно. Зарчмын асуудлаар ширүүхэн маргаан үүсэх ба шударга бус шүүмжлэлд өртөж магадгүй байна. Тиймээс бүхий л ажил хэргээ үдээс хойш буюу энэ өдрийн таагүй хандлага болон нөлөө бага ч болов буурах үед хийхээр зохицуул. Түүнчлэн та удаан хугацааны турш хүсэн хүлээж байсан аяллаа цуцлах эсвэл тав тухтай амралтаа нэмэлт үүрэг хариуцлагаар сольж болзошгүй байна.
ХУМХ (1/20-2/18)
Энэ ордны хүүхдүүдийн хувьд хайр дурлалын тал дээр зарим нэг бартаат зурвас хэвээр үлдэх учраас болгоомжтой, хянуур байх хэрэгтэй. Зарим нэг гаригууд нөхөрсөг бус барилдлага үүсэж байгаа тул эерэг үйлдэл хийхэд хэцүү байх бөгөөд учирч буй саад бэрхшээл бол та урагшаа биш хойш хэдэн алхам хийхэд хүрнэ гэсэн дохио. Та хэрэв аюултай сэдвүүдээс ялангуяа хамтын санхүүгийн асуудалтай холбоотой сэдвээс хол байх юм бол таны янаг амрагийн амьдрал сайжрах талтай байна.
ЗАГАС (2/19-3/20)
Амгалан байна. Эрүүл амьдралын хэв маяг таны гоо сайхан урлаг болоод амьдралын сайн сайхан бүхнийг төлөөлнө. Ихэнх хүмүүс амралт болоод алжаал ядаргаагаа тайлах зэргээр зугаацна. Хэт их мөнгө үрэхээс зайлсхий. Хайртай хүндээ санаа бодлоо илэрхийлэхэд амар байна. Сэтгэл хөдлөл гүн гүнзгий байна. Хүмүүс танд ямар чухал гэдгийг тэдэнд ойлгуул.
