Талын омогийн онгон шүтээн
Танхилхан гоо маралын хувилгаан
Танын сувдан өргөөнийхөө
Талыг дүүртэл мишээсэн
Ээжийн минь … хүүдээ амиа даатгасан
Таныгаа би тахин сүлдэлмүй
Ээжийн минь … хүүдээ амиа даатгасан
Таныгаа би тахин сүлдэлмүй
Ариун торгон хэвлийдээ
Ангаахай үр намайгаа тээсэн
Амьдралаа үхэлтэй сүжрүүлж
Алтан дэлхийтэй золгуулсан
Ээжийн минь асран энхрийлсэн
Тэнхээг залгуулсан ачийг тань би бишрэн сөхөрмүй
Ээжийн минь асран энхрийлсэн
Тэнхээг залгуулсан ачийг тань би бишрэн сөхөрмүй
Хорвоо ертөнцийн учрыг
Хонгорхон үр наддаа таниулсан
Халуун хүйтнээс хаацайлж
Хайрын дээдээ хүүхдээ бэлэглэсэн
Ээжий минь эргэх замбуулин дээр ганцхан заяасан
Ээжий минь та хүний дээд билээ
Ээжий минь эргэх замбуулин дээр ганцхан заяасан
Ээжий минь та хүний дээд билээ
