Японы www.sanspo.com сайтнаа Риогийн олимпийн чөлөөт бөхийн эрэгтэй 65 кг-ын жинд зодоглосон Г.Мандахнарангийн Олон улсын тэмцээнд оролцох эрхийг хасах асуудлыг Дэлхийн чөлөөт бөхийн холбоо хэлэлцэж буй тухай мэдээлэл нийтлэгджээ.
Уг мэдээлэлд “… Г.Мандахнаран 7:6 онооны харьцаатайгаар тэргүүлж байсан ч тэмцээн дуусахад ердөө 10 секунд үлдээд байхад баярлаж хоёр гараа өргөн талбайг тойрч зугтсан. Түүний энэ үйлдлийг шүүгчид алдаа гэж үзэн өрсөлдөгч бөхөд оноо өгснөөр ялагдал хүлээсэн юм. Тэгвэл үүнийг эсэргүүцсэн Монголын чөлөөт бөхийн дасгалжуулагч Б.Баяраа “Монголчууд энэ хүрэл медалийг л хүлээж байсан.
Гэвч шүүгчид луйвардуулчихлаа” хэмээн нүдэндээ нулимстай өгүүлсэн. Тэгвэл Дэлхийн чөлөөт бөхийн холбоо дээрх асуудлыг хянан үзэж, Монголын тамирчныг олон улсын тэмцээн уралдаанд оролцохыг нь хориглох асуудлыг хэлэлцэж эхэлжээ. Харин Монголын чөлөөт бөхийн холбооны Ерөнхийлөгч Д.Дагвадорж аварга нутаг буцсан байна….” гэжээ.
Эх сурвалж: mminfo.mn
