Европын хөлбөмбөгийн холбоо /УЕФА/-ны 2015/16 улирлын Европын шилдэг хөлбөмбөгчөөр Мадридын "Реал" болон Португалийн шигшээ багийн төлөө тоглодог Криштиану Роналду тодрох тухай хэвлэлүүд мэдээлж байна.
Аваргуудын лигийн хэсгийн шатны сугалааны үеэр Монако хотноо шилдэг хөл бөмбөгчнийг тодруулах эцсийн санал хураалт болох юм.
Роналдугийн өрсөлдөгч нь мөн "Реал"-д тоглодог Уэльс довтлогч Гарет Бэйл, "Атлетико" тоглодог Францын хөл бөмбөгчин, Антуан Гризманн нар ажээ.
"Реал" өнгөрсөн улиралд Аваргуудын лигт түрүүлсэн бол Португалийн шигшээ баг Европын аварга болсон билээ. Ялагчийг Европын хөлбөмбөгийн холбооны гишүүн 55 орны сэтгүүлчдийн саналаар тогтоодог билээ.
