2016-2017 оны хичэээлийн шинэ жилийн нээлт өнөөдөр эхэлж байна. Энэ өдөр алдрай жаахан үрс аав ээжийхээ гараас хөтлөөд эрдмийн их өргөө сургуулийн босгоо алхан орж байна.
Алтан навчис хийслээ дээ
Аяны шувууд буцлаа даа
Есэн сарийн нэгэн боллоо
Хүссэн өдөр ирлээ дээ
Номхон морио уналаа даа
Номтой цүнхээ үүрлээ дээ
Ээждээ үнсүүлээд аавыгаа дагаад
Эрдэм сурахаар мордлоо доо
Сайхан цагаан байшинтай
Гайхам олон хүүхэдтэй
Сургуульд ирээд багшаар угтуулж
Сурагч болох баяртай
Мөнгөн хонх нь жингэнэлэээ
Мянган эрдэмд дуудлаа даа
Есэн сарийн нэгэн сайхнаа
Эсэн баяраар цалгилаа гээд хүүхэд бүхэн дуу аялна.
Сургууль босго алхаж байгаа 6 настай сурагчдадаа хичээлийн шинэ жилийн баярын мэнд хүргэе.
Өнөөдөр ерөнхий боловсролын сургуулиуд:
• 08.00-08.40 цагт Хичээлийн шинэ жилийн нээлт хийнэ.
• 09.00-09.40 цагт “Монголын нууц товчоо” хичээлийг 1-12 дугаар ангийн бүх бүлгүүдэд зохион байгуулна.
• 10.00-11.00 цагт МонголУлсын Ерөнхийлөгч Ц.Элбэгдорж “Монголын нэр ертөнцийн чихнээ” сэдвээр теле хичээл заана. Теле хичээлийг улс орон даяар Монголын Үндэсний Олон нийтийн Телевизээр шууд нэвтрүүлнэ.
