Соёл урлагийн ажилтны өдрийг тохиолдуулан “Шүтээн зураг” үзэсгэлэнг зохион байгуулж, үзэгч олны мэлмийд толилууж байна. Тус үзэсгэлэнд Монгол урчуудын билиг оюуны шим, гарын ураар бурхан дүрслэлийн тигийн дагуу бүтээгдэж, Монгол Улсын төрийн сахиусны гүдэн, Эрдэнэ билигт, тунгалаг бишрэлт хутагт Лувсанхайдавын адистид оршсон, шилдэг бүтээлүүд багтсан юм.
Мөн Монголын урлагийн эх өвийг дэлхий дахинд сурталчлан таниулах, түгээн дэлгэрүүлэх зорилгоор музейн сан хөмрөгт хадгалагдаж буй цутгамал, модон сийлбэр, хөөмөл, цаасан шуумал, шүтээн зураг, зээгт наамал, уран хатгамал зэрэг монголын урлагийн сор бүтээлүүдээс дээжлэн бүтээсэн нийт 7 бүлэг бүхий "МОНГОЛЫН УРЛАГ" цомгийг англи хэлээр хэвлүүлэн гаргаж байгаа юм.
“Шүтээн зураг” үзэсгэлэн болон “Монголын урлаг” цомгийн нээлт чойжин ламын сүм музейд амжилттай зохион байгуулагдлаа. Үзэсгэлэн 9 дүгээр сарын 8-ны өдрийг хүртэл үргэлжлэх юм.
Дэлгэрэнгүй мэдээллийг 99904252, 99026081, 88983838 дугаарын утсаар холбогдож авна уу
