Буриадын Улаан-Үд хотод есдүгээр сарын 11-16-нд “Алтан Сэргэ” олон улсын театрын наадам болж байгаа билээ. Энэхүү наадамд манай улсаас Ромео Жульетта жүжгээр оролцохоор болжээ. Өнгөрсөн жилүүдийн хувьд ардын уран зохиолч Б.Лхагвасүрэнгийн “Тамгагүй төр”, В.Красногоровын “Би ч гэсэн жаргамаар байна” жүжгүүдээр амжилттай оролцоод ирсэн юм.
Наадамд Монгол, Тува, Якут, Халимаг, Хакат, Буриад, ОХУ зэрэг орны уран бүтээлч оролцож байна. Шилдэг жүжгийг энэ сарын 16-нд тодруулж шагнал гардуулах юм. Энэ наадмын үеэр шилдэг найруулагч, зураач, шилдэг эрэгтэй, эмэгтэй гол дүр, эрэгтэй, эмэгтэй туслах дүрийг тодруулах аж.
www.Urlag.mn
