Ийнхүү 23 настай дуучин залуу Жижигийн төрсөн өдөр болсноос хойш гурван долоо хоногийн дараа Хадидыг хаясан аж. Тэрбээр бүсгүйг Лос-Анжелес хотын нэгэн зоогийн газар романтик байдалд оройн зоог барихаар уриад, уран бүтээлдээ илүү их цаг зав зарцуулахыг хүсэж байгаагаа хэлжээ. Заян шууд л “Чам шиг ийм сайхан хүүхэнтэй үерхсэнээр хамаг цагаа алдаж дууслаа” гэж томорсон байна.
One Direction хамтлагийн дуучин залуу хэд хоногийн өмнө нэгэн үл таних бүсгүйтэй цуг явж харагдсан билээ. Энэ мэдээлэл тархсан даруйд Жижи бүсгүй балмагдаж орхисон гэдэг. Төрсөн өдрөөрөө Хадид найз залуугаа эцэг, эхтэйгээ танилцуулсан аж. Тэд 2015 оны 11-р сараас нууцаар болзож эхэлсэн бөгөөд тун удалгүй харилцаагаа ил болгосон юм. Хосууд хамтдаа хэд хэдэн алдартай сэтгүүлийн нүүрийг чимж, клипний зураг авалтанд хүртэл хамтдаа оролцоод амжсан билээ. Гэтэл хөөрхий залуу том хариуцлага хүлээхээс айгаад ухрах араандаа хийсэн бололтой.
Эх сурвалж: Ontslog.com
