Ай би нутгаа санахаараа
Аяар аяархан дуулан гэгэлздэг
Аав л ээжий хоёртоо очоод
Ярьж хөөрөөд ирмээр болдог оо
ДХ: Нутгаа санаад уярдаг сэтгэл минь
Намар оройн бороо шиг зүсэрдэг ээ
Нутгаа санаад уйлдаг сэтгэл минь
Ай би нутгаа санахаараа
Сэм сэмхэн гунигаа тээдэг ээ
Зөн совин шувуу шиг зэллээд
Цэнхэр алсыг чимээгүй ширтдэг ээ
ДХ:
Ай би нутгаа санахаараа
Аньсган нүд минь мөнгөн хяруутай
Анир анирхан дурсамж гэрэлтээд
Аясхан бодол минь хөнгөн гунигтай
ДХ: *2
Үг: Н.Пүрэв
Ая: Т.Найданжав
