1985 онд National Geographic-т домогт зураг нь гарсан эмэгтэйг Пакистанд баривчилжээ. Уг эмэгтэйг гадаад паспорт хуурамчаар үйлдсэн гэх хэрэгт сэжиглэж, тэр удаан хугацаанд хоригдох аюултай тулгарсан гэж Dawn сонин бичжээ.
Шарбат Гула /Sharbat Gula/ гэгч эмэгтэйгээс Афганистан болон Пакистаны баримт бичиг олджээ. Эрх баригчид одоо түүний хуурамч баримт бичиг өгсөн хүмүүсийг хайж байгаа гэж мэдээлсэн байна. Шарбатад шоронд 7-14 жил хориогдох ял тулгарч болох гэнэ.
"Афган охин /Afghan Girl/" хэмээх зураг National Geographic-т 1985 онд хэвлэгдсэнээс хойш дэлхий даяар алдартай болжээ. Энэ охин, 1980-аад онд Афганистан дахь зэвсэгт халдлагаас болж гэр бүлээ алджээ.
National Geographic-ийн гэрэл зурагчин Стив МакКарри /Steve McCurry/ нь Пакистаны хил дээрх Насир Баг дүрвэгсдийн хуаранд 1984 онд түүнийг харсан байна.
М.Баяр
Эх сурвалж: Gereg.mn
