Парист болсон дээрмийн хэргийг мартахад Ким Кардашианд гурван долоо хоног багадаж байгаа бололтой. Тэрбээр дээрмийн дараа Нью Йорк дахь гэрээ орхиж ээж дүү нартайгаа ойр байхаар Лос Анжелос хотод ирсэн юм. Энэ хугацаанд олон нийтэд төдийгүй цахим сүлжээнд нам жимхэн байх болсон Ким Кардашиан энэ долоо хоногоос л “гэрээсээ цухуйх” болсон байна.
Тэрбээр реалити шоуны од, дотны найз Жонатан Чебантай хамт гадуур гарч зайрмаг худалдан авч буй зургийг папарицчид онцолж байна. Үргэлж мөнхийн гоо сайхан, төгс нүүр будалт, загварлаг хувцас сэлтийг ардаа орхиод томдсон загвартай цагаан өнгийн юүдэнтэй цамц, цагаан шаахай өмссөн Ким өмнөхөөсөө огт өөр харагдаж байлаа.
Нүүрэндээ ёс төдий будаг тавьж, үсээ тун энгийн задгай тавьсан Кимийн төгс галбирыг нэлмэгэр том цагаан цамц нь хаажээ. Магадгүй түүнийг реалити шоуны од, нүцгэн селфи зургаар нь хүмүүс илүүтэй хүлээж авдаг тул энгийн харагдах Кимийг төдийлөн анзаарахгүй байлаа.
Оддын мэдээний эн тэргүүнд Кимийн тухай мэдээлэл байхаа больж харин эгч дүүсийнх нь шинэ сонин мэдээ харагдах болж. Кортни Кардашианы бие галбир өмссөн зүүсэн, Хлоя Кардашианы шинэхэн амраг залуу хийгээд дүү нар болох Кендалл болон Кайли нарын тухай олон нийт илүүтэй сонирхох болжээ.
