Аяны шувуудын мөнгөн түрүү
Амгалан хун зунтай айсуй
Аавын сэтгэл шиг дөлгөөн нууранд
Ээжийн минь сүү шиг сүлэгдэн буудгиймаа
Холын холоос далай ээжээсээ
Хунгийн даллагатай нуур минь ээ
Итгэл дурлалын хос бэлгэдэл
Ижил амраг хун шувууд
Энхрий хөөрхөн үрсээ дагуулаад
Элсэн дундах нуурандаа жаргалтай
Холын холоос далай ээжээсээ
Хунгийн даллагатай нуур минь ээ
Намар намрын налгар өдрүүддээ
Наадан чуулах хунгийн сүрэг
Нутгийн минь жаахан хунтай нуурыг
Нууцхан сэтгэлдээ тээгээд буцах юмаа
Холын холоос далай ээжээсээ
Хунгийн даллагатай нуур минь ээ
