Цэнгийн тогоруу далавчаа сэгсрээд
Цээжин бодлоос нялхармаараа
Цэцэг бөхийж будан хөшгөрсөн
Цэлмэг өдрийн наранд яарна
Чимээгүй бороо чилийсэн бороо
Чиний миний зүрхийг дэнслүүлнэ ээ
Хос хун дороо зүүрмэглээд
Хонгор сэтгэл уярмаараа
Гэртээ тогтохгүй хүсэл гэгэлзээд
Гэгээн өдрийн наранд яарна аа
Чимээгүй бороо чилийсэн бороо
Чиний миний зүрхийг дэнслүүлнэ ээ
Янагийн харц солонго татаад
Янзаган уруулаас алдуурмаар аа
Ятга эгшиглэж хайр гэрэлтсэн
Яргуй өдрийн учралд яарна аа
Чимээгүй бороо чилийсэн бороо
Чиний миний зүрхийг дэнслүүлнэ ээ
