Сайхан сэтгэлт хүмүүс энэ залуу гэр бүлд тус дэм болж охин нь аавтайгаа, эхнэр нь ханьтайгаа элэг бүтэн байхад нь хандивын гараа сунгацгаая.
Э.Солонго өөрийн цахим хуудаснаа ийнхүү бичсэн байна.
"Нөхөр маань цусны ялтсан эсийн тоо нь байнга их байдаг байснаас болж үүдэн веньд нь бөглөрөл үүсэж улмаар элэгний үйл ажиллагаа нь доголдосноор элэгний хатууралтай болсон юм. Одоогоор биеийн байдал маш муу байгаа.
Яаралтай хагалгаанд орох шаардлагатай гэдгийг нь сонссон юм. Хагалгааны төлбөр 85 сая төгрөг. Бидэнд шууд май гээд өгчих боломж үнэхээр тааруу байгаа учраас маш хэцүү байна. Тэр маань дөнгөж 33 настай. Бид анхныхаа хүүхдээ өлгийдөж аваад удаагүй.
Охин минь одоо 3 сартай. Бидний амьдрал дөнгөж л эхэлж байна. Тэрэнгүйгээр амьдралаа төсөөлөхөд бэрх. Тэрэнгүйгээр баяр бүхэн дутуу жаргалтай, тэрэнгүйгээр охины минь амьдралын үнэ цэнэтэй мөч бүхэн цаанаа л нэг хоосон өнгөрнө. Нөхрийг би ахиж олж болох ч охинд минь аав нь дахиж олдохгүй. Та бүхэн охин бид хоёрыг аавтайгаа үлдэхэд минь туслаач хэмээн чин сэтгэлээсээ гуйж байна" энэхүү постыг бичсэнээс хойш сайхан сэтгэлд хүмүүс түүнд хандив өргөжээ.
Өнөөдрийн байдлаар нөхөр маань 1-р эмнэлэгт хэвтэн эмчлүүлж байна. Цусны эмгэгээс болж үүдсэн элэгний хатуурал учраас эмч нар зарим нэг зүйлийг тодруулах шаардлагатай болоод байгаа.
Хэвлийд гуурс тавьж өдөр бүр хэвлийд хуралдсан сул шингэнийг авч одоогоор дөчөөд литр шингэн гадагшлуулан хажуугаар нь хэрэгцээт шингэн уурагыг нөхөж хийж байгаа боловч өдөр өдөртөө хэвлий дэхь шингэн эргэж хуралдсан байдалтай байгаа юм.
Хагалгааны төлбөр болох 85 сая төгрөг бүрэлдсэн тохиолдолд л хагалгаанд орох боломжтой байгаа тул та бүхэн бидний энэ постыг улам олон хүнд хүргэхэд тусалж бас боломжтой бол сэтгэлийн мөнгөн хандив өргөнө үү хэмээн хүсэж байна.
Хандивын данс
Хаан банк 5753824436 Э.Солонго
