Ачтай ээжийн ариун хайрыг
Алагхан зүрхэндээ тээж л явна аа
Алтан шаргал уургаа шимүүлсэн
Ачлал буяныг тань санаж л явна даа
Энэ хорвоогийн энгүй ачтан
Ээжийнхээ хайрыг яана даа би
Бууралхан ээжийн далай хайрыг
Борхон зүрхэндээ санаж л явна аа
Бумбат рашаан амлуулж өсгөсөн
Буян хишгийн тань мартаагүй л явна даа
Энэ хорвоогийн энгүй ачтан
Ээжийнхээ хайрыг яана даа би
Энэрэлтэй ээжийн уужим хайрыг
Элэг зүрхэндээ хадгалж явна аа
Цагаан сүүгээ хөхүүлж торниулсан
Цайлган сэтгэлийг тань үгүйлж явна даа
Энэ хорвоогийн энгүй ачтан
Ээжийнхээ хайрыг яана даа би
Энэ хорвоогийн энгүй ачтан
Ээжийнхээ хайрыг яана даа би
