Өглөө мандах нарнаас өгсөж ургахдаа
Үргэлж дулаахан харцыг чинь үгүйлсээр сэрдэг шүү хань минь
Гуниг сарниах нүдэнд чинь эрхэлж жаргахдаа
Гэрэл гийсэн амьдралдаа цэцэг шиг сэргэдэг шүү хань минь ээ
Цэцэгсийн дундаас ялгамгүй үзэсгэлэнд бишрэн
Цэрвэж уулзсан учирлаа хоромхон ч мартахгүй ээ хань минь
Намайг хайрласан хайрын чинь илчинд ээнэгшээд
Намрын сэрүүн будан дунд жиндэж үзсэнгүй хань минь ээ
Ханьсахын ерөөл заяасан чинийхээ түшигээр
Ханийн тэнгэрт бадамлах зул шиг асдаг шүү хань минь
Зүрхийг минь гижигдсэн мөнхийн гэгээн хайрандаа
Зүсээн гундтал ханилахдаа чамаасаа уйдахгүй хань минь ээ
