Арван засгаас цуутай наадмын
Алтан түүхийн хуудсан гэгээн мөртэй дэвжээ
Есөн цагаан тугандаа сүслэн мөргөөд
Ертөнц мэдэх хүчтэнүүд наадамд чуулсан дэвжээ
Эвсэг бөхчүүд
Дэлхийд цуутай
Дээдсийн ерөөлтэй
Монгол бөхийн дэвжээ
Наран өндөлзсөн ардын наадмын
Нандин жудгаа насаараа өвлөн дээдлэсэн дэвжээ
Үзүүр түрүүнд барилдсан хүүгээ тосоод
Үс нь буурал ээжийн нулимас мэлмэрсэн дэвжээ
Эвсэг бөхчүүд
Дэлхийд цуутай
Дээдсийн ерөөлтэй
Монгол бөхийн дэвжээ
Буяны даллагатай ардын наадмаар
Буурал аав минь өндөлзөн догдолсон дэвжээ
Удам залгасан нуган үр нь хөлд ороод
Уудам талын монголчууд Уухай өргөсөн дэвжээ
Эвсэг бөхчүүд
Дэлхийд цуутай
Дээдсийн ерөөлтэй
Монгол бөхийн дэвжээ
Эвсэг бөхчүүд
Дэлхийд цуутай
Дээдсийн ерөөлтэй
Монгол бөхийн дэвжээ
