Хайрын цэцэрлэгт навчис алдраад
Хайлган бодол минь чамайгаа дурсана
Энхрий насаа би харцнаас чинь эрлээ дэ
Хонгор насаа чи хайраас минь эрээрэй
Бидэн хоёрын нандин сэтгэл
Арван найман нас шиг залуухан
Бидэн хоёрын хайрын сэтгэл
Арван тавны сар шиг гэрэлтэй
Үдшийн болзоонд монос цэцэглээд
Үес үесхэн чамайгаа энхрийлнэ
Алдрай насаа би сэтгэлээс чинь эрлээ дэ
Айлхан насаа чи бодлоос минь эрээрэй
Гэрлийн ертөнцөөр хосууд зугаална
Гэнэ гэнэхэн чамайгаа мөрөөднө
Гэнэн насаа би зүүднээс чинь эрлээ дэ
Гэгээн насаа чи зүрхнээс минь эрээрэй
