Зохиолч, яруу найрагч Г.Аюурзана хэвлэлтээс гараад удаагүй “Сахиуст хангайн нууц” номынхоо талаар "buro247" сайтад тун сонирхолтой нэгэн ярилцлага өгчээ. Түүний ярилцлаганаас уран зохиолын тухай өгүүлсэн шилдэг 10 ишлэлийг түүвэрлэн хүргэе.
- Зохиол бичигдэх явцдаа л өөрөө зам голдирлоо олоод урсчихдаг юм. Анх бодож төлөвлөсөн зүйлээс хол зөрөх нь ч бишгүй.
Ямар ч шүлэг, ямар ч ном, кино, зураг, хөгжим цөмөөрөө яг л хүнтэй адил өөрийн хувь заяатай.
- Би бичмээр санагдсан болгоноо биш, өөрийнхөө уншмаар байгаа номоо л бичдэг.
Миний суралцах гэж хамгийн их хичээсэн зүйл бол уран зохиол.
- Уран зохиолд "Эсвэл шилдэг нь бай, эсвэл ор сураггүй арил!" гэдэг ганцхан л зарчим байдаг.
Ний нуугүй хэлэхэд, бие цатгалан амьд явахаас сэтгэл дүүрэн үхэх нь хавьгүй чухал.
- "Үг, үйл, алхам бүр үртэй. Үйлээс боловсрох үр гэж байдаггүй сэн бол, энэ хорвоо аль эрт тэнцвэрээ алдаад хөмөрчих байсан…"
Өөрийгөө бусдыг шүүн цэгнэх хэмжээнд хүрсэн гэж бодогсодын ихэнх нь уран зохиол бол уг язгуураасаа л аалзны тор шиг сүлжилдсэн, орооцолдсон, үй олон санааны нэхээс сүлжээс гэдгийг огтоос ойлгоогүй нь их хачирхалтай санагддаг
- Хүн төрөлхтөнд уран зохиолоос өөр амьдралыг цогцоор нь харчих цонх, тийм боломж алга.
Жинхэнэ урлагийг гагцхүү эрүүл, саруул ухаан л бүтээдэг.
Б.Энх-Уянга
www.breakingnews.mn
