Намайг дуудаж сэрээсэн
Гэгээн өглөө сайн байна уу
Нарны гэрэлт гялалзсан
Гэгээвч цонхнууд сайн байна уу
Унтах нойрноос сэрээгүй
Хөөрхөн дүү минь сайн байна уу
Ургах нарны туяа шиг
Улаан бүч минь сайн байна уу
Ногоон навчаа дэлгэсэн
Улиас хайлаас сайн байна уу
Зүлэг модоо усалсан
Буурал эгчээ сайн байна уу
Түмэн төлөөр арвижсан
Буман сүргүүд сайн байна уу
Баян талдаа цэнгэлтэй
Баатар малчин сайн байна уу
