Ард түмний сэтгэлд хоногшсон олон сайхан дуунуудын нэг “Миний ээж тэмээчин” дууг дуучин Д.Отгонжаргал шинэчлэн дуулж дүрсжүүлжээ. Энэ дууны шүлгийг Төрийн соёрхолт, Соёлын гавьяат зүтгэлтэн П.Пүрэвсүрэн бичиж, аялгууг урлагийн гавьяат зүтгэлтэн Ч.Сангидорж бичсэн билээ.
Хүн бүрийн сэтгэлд уяатай явдаг энэ дууны клипийг "АСЕ" энтертайнментийн хамт олны бүтээсэн бол, клипэнд Ардын жүжигчин П.Цэрэндагва, Д.Мэндбаяр болон “Miss World 2016” тэмцээний шилдэг 11 оролцогчийн нэг А.Баярцэцэг нар тоглосон байна. Дуучин Д.Отгонжаргалын дуулсан “Миний ээж тэмээчин” дууны клипний нээлт өнгөрөгч долоо хоногт болжээ.
