Алд алдын торгон хадгийг
Задлаж суунаа Алгирмаа яа хөө
Анхны нөхөр Алтансүхтэй
Амьдралынхаа замыг холбосон оо хөө
Авааль нөхөр Алтансүх минь
Амбан хошууны албанд мордоод
Амьд үхсэний сураг үгүй
Арван гурван жил болов оо хөө
Арван гурван жилийн дотор
Андуу зөрүү явсан болбол доо
Асар дээд тэнгэр минь ээ
Амий минь гартал ниргээрэй дээ хөө
Хорвоо өгөөж нутаг минь ээ
Хорго тойрмын хөндийдөө хөө
Хоол ундны ус маань
Хольц л үгүй рашаан аа хөө
Малчин удамт зарцын охин
Алгирмаагийн бие ээ хөө
Манхан талдаа заяагаад
Төрж өссөн газар аа хөө
Агаар тэнгэрийн нар минь
Илч нь болоосой бие минь ээ хөө
Амраг хонгор хүүгээ
Дулаалж явахсан бие минь ээ
Уудам дэлхийд дураар довтлох
Салхи нь ч болоосой бие минь ээ хөө
Учирсан хонгор хүүдээ
Хүрээд очихсон бие минь ээ хөө
