Засгийн газрын 2007 оны 280 тоот тогтоол “Хүүхдэд зориулсан уран бүтээл туурвихад төрөөс санхүүгийн дэмжлэг үзүүлэх журам”-ын дагуу 2017 онд зохион явагдсан “Хүүхдэд зориулсан уран бүтээлийн XI дэх уралдаан”-ы уран сайхны кино төрөлд шалгарсан “Кибер Сүлжээ” зохиолыг “уран сайхны кино” болгох зорилгоор төслийн баг шалгаруулах уралдааныг 2018 оны 07 сарын 05-аас 2018 оны 08 сарын 15-ныг хүртэл Соёл урлагийн газраас олон нийтэд нээлттэй зарласан. Уралдаанд нийт 8 төсөл ирснээс орон тооны бус мэргэжлийн зөвлөлийн шийдвэрээр “Сарны Чулуу Анар” ХХК-ны “ТВ 6” телевиз шалгарч уг төслийг гүйцэтгэж байна. Уг төслийн зорилго орчин үеийн хүүхдийн нас сэтгэхүйн онцлогт тохирсон дэлгэцийн бүтээл туурвих, хүмүүнлэг ёс суртахуунтай иргэнийг төлөвшүүлэх, болзошгүй эрсдэлээс урьдчилан сэргийлэх, төрөөс хүүхдийн уран бүтээлийг дэмжих тогтоолын биелэлтийг хэрэгжүүлэх явдал юм.
Кино зохиолтой танилцахыг хүсвэл дараах линкээс татан авах боломжтой.
https://drive.google.com/file/d/1bvNfD_VlOrhqSkLJyIadiQAkrow3hsXu/view?usp=sharing
“Кибер сүлжээ” уран сайхны кино 2018 оны 12 сарын 07-нд нээлтээ хийхээр төлөвлөн ажиллаж байна. Зураг авалтыг Нийслэлийн 20-р дунд сургууль дээр авсан бөгөөд киноны гол санаа нь дунд сургуулийн сурагчид дунд цахим хэрэглээ ямар эрсдэл дагуулж, нөлөөлж байгааг харуулахаас гадна нийгмийн сүлжээний зохистой хэрэглээг бий болгоход анхааруулж байгаа юм.
