Түүх, соёлын хөдлөх дурсгалт зүйлийн тооллогын улсын комиссын 6 дах удаагийн хуралдаанаар тооллогын ажлын явц, салбар комиссоос улсын комисст албан бичгээр гаргасан санал, хүсэлтийг хэлэлцлээ.
Тооллогын цахим toollogo.monheritage.mn нэгтгэл 2019 оны 3 сарын 20-ны өдрийн 09 цаг 45 минутад шинэчлэгдсэн байдлаар Улсын тооллогын ажил 79,5 хувьтай явагдаж байна. Үүнээс Төрийн өмчийн музей, бусад байгууллагын тооллого 91,6 хувь, орон нутгийн өмчийн музей 95 хувь, сумдын орон нутаг судлах танхимын тооллогын ажил 40,8 хувьтай явагдаж байна. Аймгуудын Салбар комисс аймгийн музейн түүх, соёлын хөдлөх дурсгалт зүйлийг тоолж дуусган, сумдын орон нутаг сурталчилах танхимын тооллогыг хийж байна. Хөшөө цайдам музей, Үндэсний номын сангийн үнэт ховор номын фонд, Булган аймгийн музей, Говь-Алтай аймгийн музей, Дархан-Уул аймгийн музей, Дундговь аймгийн музей, Сүхбаатар аймгийн музей, Ховд аймгийн музейн тооллого дууссан байна.
Түүх соёлын хөдлөх дурсгалт зүйлийн тооллогын улсын комисс Чойжин ламын сүм музей, Дорнод аймаг, Эрдэнэ Зуу музей, Говьсүмбэр аймаг, Хөшөө цайдам музей, Монгол цэргийн музей, Орхон аймгийн музей, Үлэг гүрвэлийн төв музей, Монголын уран зургийн галерей, Завхан аймаг, Монголын Театрын музей, Монгол төрийн музей тооллогын салбар комиссоос ирүүлсэн санал, хүсэлтийг хэлэлцэж шийдвэр гаргалаа.
Эрдэнэ Зуу музей, Монголын уран зургийн галерей, Завхан аймаг, Говьсүмбэр аймгийн музей, Дорноговь аймгийн музейд улсын комиссоос томилогдсон гишүүд газар дээр нь очиж ажиллахаар боллоо.
