Соёл, урлагийг дэмжих сангийн төслийн сонгон шалгаруулалтад энэ жил нийт 700 гаруй төслийн санал хүлээн авснаас 42 нь шалгарчээ. Энэ сан нь 1995 онд Засгийн газрын 74 дүгээр тогтоолоор байгуулагдсан бөгөөд түүнээс хойш соёл, урлагийг дэмжих олон зуун төсөл хөтөлбөрийг санхүүжүүлж ирсэн юм. Жишээ нь “The HU” хамтлаг, олон улсын кино наадмын шагналт “Алсын удирдлага”, “Хэвтрийн хүн” зэрэг төслүүд өнгөрсөн жилүүдэд шалгарч байжээ.
Энэ жил ирсэн төслүүдийг сонгон шалгаруулахдаа оюуны өмч болон зохиогчийн эрх, цар тахлын үеийн аюулгүй байдлыг хангасан байх зэрэг шалгуур тавьж, төсөл хөтөлбөрүүдийг нээлттэй сонгон шалгаруулалтаар, олон нийтэд ил тод байдлаар үзүүлсэн юм. Түүнчлэн соёл, урлагийг дэмжих сангийн төслийн сонгон шаргаруулалтад оролцсон төслүүдийн танилцуулгыг үзэх бол энд дарна уу.
