Монголын сайтын холбооны нэгдсэн "VI" чуулган өчигдөр (2021.01.17) болж өнгөрлөө. Анх 2009 онд байгуулагдсан цахим сэтгүүл зүйн ууган холбооны энэ удаагийн чуулганд тус холбоонд бүртгэлтэй 89 сайтын төлөөлөл оролцохоор бүртгүүлснээс 81 сайт мандатын эрхээ авч оролцлоо.
Чуулганд мандатын эрхтэй оролцсон төлөөлөгчид нь Монголын сайтын холбоо төрийн бус байгууллагын дүрмийн дагуу Удирдах зөвлөл болон Хяналтын зөвлөлийн гишүүдээ нээлттэйгээр нэр дэвшүүлэн сонгодог бөгөөд үүний дагуу нийт 32 төлөөлөгч Удирдах зөвлөлд нэр дэвшин өрсөлдсөнөөс 15 төлөөлөгч сонгогдлоо.
Шинээр сонгогдсон УДИРДАХ ЗӨВЛӨЛИЙН гишүүд,
1. Ц.Мөнхбаатар, Ugluu.mn
2. Б.Цоожчулуунцэцэг, Shudarga.mn
3. Э.Батхүү, Dorgio.mn
4. С.Хоролгарав, Nuuts.mn
5. П.Энхжаргал, Word.mn
6. Э.Цэнд-Аюуш, Urlag.mn
7. М.Гал-Арив, Sonin.mn
8. Х.Доржпалам, Zindaa.mn
9. Э.Цогбадрал, Ardchilal.mn
10. Н.Энхцэцэг, Shilen.mn
11. С.Батсүх, Barilga.mn
12. Г.Нандин-Эрдэнэ, Mass.mn
13. Ж.Цэсэн, Turleg.mn
14. Д.Пүрэвзана, Today.mn
15. Я.Баярбаатар, DNN.mn
Улмаар шинээр бүрдсэн Удирдах зөвлөл үргэлжлүүлэн анхдугаар хуралдаанаа зохион байгуулж, Монголын сайтын холбооны ерөнхийлөгчөөр гишүүдийн 100 хувийн саналаар DORGIO.mn сайтын захирал Э.Батхүү сонгогдож, Монголын сайтын холбооны тав дахь ерөнхийлөгч Л.Оюунтунгалаг түүнд тамгаа ёслол төгөлдөр шилжүүлэн өглөө.
Э.Батхүү нь Монголын сайтын холбоонд 2012 оноос хойш холбооны удирдлагын үүрэг хүлээж, Хяналтын зөвлөлийн дарга, Удирдах зөвлөлийн гишүүн, Тэргүүн дэд ерөнхийлөгч, ерөнхийлөгчийн сонгуульт ажлыг тус тус хашиж байсан юм.
Мөн шинээр ХЯНАЛТЫН ЗӨВЛӨЛИЙН 7 гишүүн сонгогдсон бөгөөд гишүүдээр,
1.Bestnews.mn Насанжаргал
2.Dardas.mn Б.Өнөртогтох
3.Peoplenews.mn С.Бэлэгмаа
4.Newsmongolia.mn Г.Нянтайсанжаа
5.Etoim.mn Э.Соёлбат
6.Todotgol.mn М.Базарраднаа
7.Newscafe.mn Ж.Отгонмягмар нар сонгогдож үүрэгт ажилдаа орлоо.
