"Тринозавор Батаар" үлэг гүрвэлийн араг ястай холбоотой хэргийг өмгөөлж буй АНУ-ын иргэн өмгөөлөгч Роберт Пэйнтер өөрийн хамтрагч Ларри Юьрс, Адам Кейг нарын хамт Монголд ирсэн байна. Тэрбээр "Тринозавор Батаар"-ын араг яс нэг, хоёр сарын дараа гэхэд эх орондоо ирэх боломжтой гэдгийг хэллээ.
"Тринозавор Батаар"-ыг АНУ-ын иргэн Эрик Прокопи гэгч Их Британиас АНУ руу “Гүрвэлийн яс” гэсэн шошготойгоор оруулж байжээ. Араг ясыг 1920-иод онд ч юм уу, түүнээс хойш Японоор дамжуулан Их Британид хүргэсэн бололтойг ноён өмгөөлөгч хэлсэн юм. Ямар ч гэсэн Эрик Прокопи гэгч нь нэг бус удаагийн үйлдлээр иймэрхүү хэрэг үйлдэж, мөн нэг бус удаа дуудлага худлалдаанд оруулах гэж байсан хууль бус эд зүйлсээ хураалгаж байжээ.
Мөн түүнчлэн саяхан мөн л Монголоос гаралтай өөр нэг үлэг гүрвэлийн ясыг АНУ-ын Калифорнид худалдах гэж байсныг илрүүлэн хураасан байна. Ингэхээр "Тринозавор Батаар" ганцаараа биш, “ихэртэйгээ” эх орондоо ирэх бололтой.
