МАН-ын Удирдах зөвлөл өнөөдөр хуралдаж УИХ дахь МАН-ын бүлгийн үйл ажиллагааг эхлүүлэхээр болсон байна. МАН-ын УЗ-ын шийдвэрийн талаар МАН-ын Ерөнхий нарийн бичгийн даргын үүрэг гүйцэтгэгч Л.Оюун-Эрдэнэ, нарийн бичгийн дарга Я.Содбаатар, МАН-ын бүлгийн дарга Н.Энхболд нар мэдээлэл хийв.
МАН-ын УЗ-өөс намын Бага хурлыг энэ сарын 24-нд хуралдуулах шийдвэр гаргасан байна. Бага хурлаар УИХ-ын болон НИТХ-ын сонгуульд МАН ямар зүйл дээр алдаа гаргасан талаар илтгэл тавих аж.
Мөн УЗ-ийн хурлаар МАН-ын бүлгийн даргаар Н.Энхболдыг томилсон байна. Түүнчлэн УИХ-ын дэд даргаар Шадар сайд М.Энхболдыг туршлагатай улстөрч гэж үзэн дэвшүүлэх санал гаргажээ.
УЗ-ийн шийдвэрээр ирэх мягмар гаригт болох МАН-ын Бага хурлаар намын даргыг солихоор болсон байна. Учир нь энэ удаагийн УИХ-ын сонгуульд ялагдал хүлээсэн тул одоогийн дарга С.Батболд үүрэгт ажлаа хүлээлгэн өгөх хүсэлт гаргасан аж. Тиймээс МАН-ын УЗ-өөс МАН-ын бүлгийн дарга байсан Ө.Энхтүвшинг намын даргад дэвшүүлэх шийдвэр гаргажээ. Эцсийн шийдвэрийг МАН-ын Бага хурлаар гаргана.
