Олон улсын дуурийн дуулаачид Монголд

Монгол Улсын Хөдөлмөрийн баатар, Ардын жүжигчин Ц.Пүрэвдоржийн нэрэмжит ари, романс дуулаачдын улсын V уралдаан буюу Олон улсын II уралдаан ирэх арваннэгдүгээр сард Улаанбаатар хотноо болно. БСШУЯ, УДБЭТ, Монголын урлагийн ажилтны холбоо хамтран зохиож буй уралдааны бүртгэл эхэлсэн бөгөөд олон улсын дуурийн дуулаачид ийнхүү ирэх намар Монголд чуулах нь ээ. Уралдааны зорилго нь Монголын сонгодог урлагийг хөгжүүлэх, мэргэжлийн дуурийн дуулаачдын урын санг баяжуулах, ур чадварыг нэмэгдүүлэх, шинэ залуу чадварлаг дуучдыг олон улсын төвшинд гаргахад оршиж байгаа аж.