Японы мэргэжлийн сумо бөхийн долдугаар сарын Нагоя башё өчигдөр өндөрлөлөө.
Сүүлийн өдрийн барилдаанд манай бөх Харүмофүжи Их аварга Хакүхо М.Даваажаргалтай учраа тааран барилдаж, ёрикири мэхээр давсан юм. Ингэснээр озэки Харүмофүжи Д.Бямбадорж дээд зиндаанд гурав дахь удаагаа түрүүллээ.
Сүүлийн өдрийн барилдааны өмнө Их аварга М.Даваажаргал болон Озэки Харүмофүжи нар хоёул адилхан 14:0 гэсэн амжилттай байсан бөгөөд эцсийн барилдаанаар Харүмофүжи Д.Бямбадорж давснаар ийнхүү эзэн хааны цомыг өргөлөө.
Озэки Д.Бямбадоржийн хувьд энэ удаагийн башёд түрүүлснээр гурав дахь удаагаа эзэн хааны цомыг өргөж байгаагаас гадна хувийнхаа амжилтын хүрээнд анх удаа дээд зиндаанд нэг ч удаа уналгүйгээр түрүүлж байна.
