АНУ-ын Невада мужийн Рино хотын оршин суугч 22 настай Вероника Ротенхослер өдгөө өрсөлдөгчдийнхөө зүрхэнд айдас хуруулах болсон тул “Зүрх зүсэгч” гэдэг хочтой болжээ. Тэрээр ММА буюу эмэгтэйчүүдийн дүрэмгүй тулааны урлагт бахдам амжилт гаргаж байгаа юм. Энэ бүсгүй хагас хөнгөн жинд сонирхогчийн рингэн дээр ердөө гурван тулаан хийсэн ч бүгдийг нь хүнд цохилтоор өндөрлүүлсэн байна. Сүүлийн хоёр өрсөлдөгчөө Вероника бүсгүй эхлэх дохио өгөгдсөнөөс хойш ердөө тавхан секундын дотор тэрий хадуулжээ.
Лас-Вегас хотод болсон түүний ээлжит тулааныг YouTube-ээр дамжуулж дөрвөн сая орчим хүн үзсэн байна. Бичлэгэн дээр Вероника баруун гарын шулуун цохилт хийтэл өрсөлдөгч Эшли Эванс-Смит торны хашлага налан унаж байгаа нь харагдана. Гэхдээ тэр ухаантай байсан гэнэ. Ротенхослер дүрмийн дагуу өрсөлдөгчөө гүйцээхээр дайрсан боловч шүүгч тулааныг зогсоож, түүнд ялалтыг өгчээ. Тулааны өмнө өрсөлдөгч нь уламжлалт мэндчилгээг хийхээс татгалзан өрсөлдөгчийнхөө бээлийд хүрээгүй тул Вероникагийн уур дүрэлзсэн байна. Үүний өмнөх тулаанд тэрээр мөн л таван секундын дотор өрсөлдөгчөө буулган авч байсан бол анхны тоглолт нь арай удаан үргэлжилсэн гэнэ.
