Поп хатагтай зууны манлай дуучин Б.Сарантуяа нэг зүйл дээр үнэн голоосоо бухимдаж явдаг ажээ.Тэрбээр “Монгол Улсад гадна дотны өч төчнөөн хүмүүс ирээд явдаг. Гэтэл тэдний монголчуудын тухай хийсэн нэвтрүүлгүүдийн дийлэнх нь бидний амьдралыг ядуу зүдүү мэтээр харуулсан нэвтрүүлгүүд гол төлөв байдаг.
Тэгээд бас болоогүй ээ, тэр нэвтрүүлгүүдээ дэлхийн нэр хүндтэй телевизүүдээр гаргаад л. Тэр нэвтрүүлэгт Монгол гэхээр л хэдэн уулын дунд ядарсан зүдэрсэн хүмүүс л аж төрдөг мэтээр гаргаж байдаг.
Энэ мэт эх орны минь талаар таагүй сэтгэгдэл үлдээж байгаа жуулчид одоо больмоор юм даа. Арай хэтэрлээ шүү дээ.Монгол гэхээр л улаан хацартай хүүхэд, хэдэн уул толгод, дээлтэй эмэгтэйгээр дүрслэхээ болимоор.
Энэ талаар бодох бүрт хичнээн их уур хүрдэг гэж бодноо. Миний эх орон чинь аугаа их түүхтэй, хацар гоо охидтой улс шиг улс шүү дээ. Монголчууд минь өөрсдөө аугаа түүхээрээ байнга омогшиж байгаарай” хэмээн залуучууддаа уриалж явдаг гэнэ.
Э.Сувд
