Алдарт дуучин,жүжигчин ,яруу найрагч Владимир Высоцкий бурханы оронд залраад нэгэнт 32 жил болжээ.Гэвч түүнийг ард түмэн мартсангүй.Урьдын адил хайрлан хүндэтгэдэг хэвээрээ билээ.
Высоцкийн нэрэмжит Таганкийн улсын соёлын төвөөс энэ жил түүний дурсгалыг хүндэтгэх өдрийг даруухан тэмдэглэж өнгөрлөө.
“Таганкийн Высоцкийн ордонд “ түүний зохиол “Диваажингийн алим “ жүжгийг Рашид Тугушев найруулан тавьжээ.
“Би , Владимир Высоцкий…” дурсамж концертийг түүний журмын нөхөр ардын жүжигчин Валерий Золотухин санаачлан найруулан бөгөөд алдарт дуучны дуулсан дуу,яруу тансаг шүлгүүд эгшиглэлээ.
Мөн телевизийн “Нэгдүгээр суваг “-аар “Высоцкий.Сүүлчийн жилүүд” бүрэн хэмжээний баримт кино үзүүлсэн байна.
Мөн өчигдөр Высоцкийн нэрэмжит Таганкийн улсын соёлын төвд “1972он. Владимир Высоцкий Високосны зун” үзэсгэлэн нээгдлээ.Чухам тэр зун Володя тэнд 30 гаруй алдарт шүлгүүдээ тэрлэж,бас ая зохион кино зураг авхуулсан байдаг.
Өнөөдөр ч Высоцкийг дурсан нулимс унагах нөхөд олон билээ.
“Амьдрал нулимасанд дургүй “ киноны нэр чинь түүний шүлгийн мөр шүү дээ.Кинон дээр тэр сайхан дуу нь эгшиглэдэг юм.
Уг нь яг үгчилэн орчуулбал “Москва нулимасанд итгэдэггүй “ гэмээр.
Тиймээ. Москва нулимасанд итгэдэггүй ч Высоцкийг мартдаггүй билээ.
Л.Мөнхбат
