Украйны алдарт жүжигчин Богдан Ступки таалал төгслөө. Түүнийг сүүлчийн замд нь үдэхээр төрийн тэргүүн Виктор Янукович, ерөнхий сайд Николай Азаров болон ерөнхийлөгч асан Леонид Кучма, Виктор Ющенко нар хүрэлцэн иржээ. Мөн Оросын төрийн тэргүүн Владимир Путины эмгэнэлийн үгийг ОХУ-ын ерөнхийлөгчийн тусгай төлөөлөгч Виктор Зубков дамжууллаа. Хүндэт эрхэмтэй салах ёс гүйцэтгэх ёслолын ажиллагаа Иван Франкогийн нэрэмжит Үндэсний академийн драмын театрт болжээ.
Энд Ступка амьдралынхаа 34 жилийг хөдөлмөрлөж өнгөрүүлсэн байна. Сүүлийн 11 жилийн хугацаанд тэрээр театрын уран сайхны удирдагчаар ажиллаж байжээ. Жүжигчний уран бүтээл, хөдөлмөрийг хүндлэн бишрэгчид “Энэ хүн соёл урлаг болон улс эх орныхоо төлөө асар их зүйлийг хийсэн. Түүний гэр бүлийг эс тооцвол Украйн улс цаашид түүнгүйгээр хэрхэн амьдрах нь оньсого гэсэн үг” гэж талийгчийн их урлагт оруулсан хувь нэмрийг нь хүндэтгэн ярьж байна.
