"Намайг битгий уучил" жүжгээр олны танил болсон жүжигчин Өөдөө өнгөрсөн жил амаржиж хөөрхөн хүү гаргаснаас хойш намба суух болсон. Жүжигчин, дуучин, нэвтрүүлэгч, яруу найрагч гээд урлагийн салбарт хүч үзээгүй салбар бараг л байхгүй болсон түүний багын мөрөөдөл нь бүдгэрчээ. Тэрбээр саяхны нэгэн хэвлэлд өгсөн ярилцлагандаа “Насан туршдаа жүжигчин байна гэдэг мөрөөдөл маань жаахан бүдгэрсэн. Яагаад гэвэл би нийгэмтэйгээ зохицож амьдарч байна. Аливаа зүйлд цаг хугацаа гэж байдаг даа. Магадгүй одоо дахиж тайзан дээр гарахгүй байсан ч надад харамсах зүйл алга” гэжээ. Дуулж, жүжиглэхээс илүүтэй хөгжмийн нэвтрүүлгээрээ олны анхаарлыг татаж буй тэрбээр нам гүмхэн амьдралыг илүүд үзэж, хэсэгтээ л тайзнаа гарахгүйгээр шийдсэн бололтой.
