Попын хаан Майкл Жексон 2009 онд 50 насандаа өөд болсон билээ. Түүнээс хойш түүний гурван хүүхдийг ээж Катерин Жексон асрамжиндаа байлгаж байсан. Харин сүүлийн хоногуудад хатагтай Катерин гэнэт ор сураггүй болж байгаад саяхан хүүхдийнхээ гэрт байна гэсэн хачирхалтай мэдээлэл гарсан. Мөн түүний алга болсны дараа Майкл Жексоны ах дүү нар гэрт нь ирж, хүүхдүүдтэй нь нилээн зөрчилдөж багахан хэмжээний зодоон ч үүсгэсэн. Энэ бүгд алдарт дуучны 1 тэрбум ам.долларын өв хөрөнгөтэй холбоотой нь тодорхой.
Тэгвэл үүсээд байгаа энэхүү хэргийг зохицуулахаар Лос-Анжелесын шүүгч хүүхдүүдийг түр хугацаанд үеэл Тито Жексон Жүниорын халамжинд байлгахаар шийджээ. Гэхдээ хатагтай Катерин ямар нэг буруу зүйл хийгээгүй учир түүнийг эргэн ирэхээр хүүхдүүдийн асрамжлагч буцаан болгохоо шүүгч хэлсэн байна.
Хатагтай Катерин тэнд өөрийн хүслээр байгаа эсэх нь эргэлзээтэй байгаа юм. Тито Жексоны хэлснээр, сүүлд эмээтэйгээ утсаар ярихад их хачин үг хэллэг хэрэглэж байсныг хэлжээ.
Ц.Мишээл
