Дуучин Ц.Хуланг жазз дуу тун чадварлаг дуулдагаар нь үзэгчид андахгүй биз ээ. Олноо жазз Ц.Хулан хэмээн алдаршсан дуучин бүсгүй жилд уран бүтээлийн олз омог ихтэй байгаад зогсохгүй “Нэг биений хоёр зүрх” мелодрам киноны гол дүрд тоглосон. Найруулагч Ш.Тансагийн бүтээл энэхүү кинонд тэрбээр дуучин мэргэжлээрээ дүр бүтээсэн нь үзэгчдийн сонирхлыг ихэд татсан.
Харин уран бүтээлийн хувьд тэрбээр шинээр хоёр цомгийн ажилд орчихсон яваа бөгөөд одоогоор 45 хувьтай явж байгаа гэнэ. Эхний цомог нь “My world-2” нэртэй ба хуучны сонгодог, классик поп жазз стилийн дуунууд багтаж байгаа бол нөгөө цомогт нь түүний дуулсан монгол кино, жүжгийн дуунууд багтах ажээ.
Дуучин Ц.Хулан энэхүү хоёр шинэ цомгоо ирэх 11 дүгээр сард өөрийнхөө төрсөн өдрөөр гаргахаар зэхэж байна.
Мөн тэрбээр ирэх 8 дугаар сард “Сүүлчийн үнсэлт”, “Энэ бол хайр-2” дууны клипэнд “Sista” продакшн дээр орохоор тус тус төлөвлөж байна.
Ө.Халиун
