“Монголиа, Монголиа” гэсэн уухайн дуунд Лондоны олимпийн эрэгтэйчүүдийн боксын 69 кг-ийн жинд Б.Түвшинбат Габоны боксчин Янник Митумба Мбемийг илт илүүрхэн, гайхалтай ялалт байгууллаа. Хүн төрөлхтний эв нэгдлийн их баяр цэнгэл зуны XXX олимпийн наадамд манай ширэн бээлийтнүүдийн салхийг хагалан тулалдсан ОУХМ Б.Түвшинбат эхний раундад 5:1 онооны харьцаагаар илүүрхсэн юм. Улмаар хоёрдугаар раундад 11:2 оноотой, гуравдугаар раундад 17:4 оноотойгоор рингийг эзэгнэсэн юм.
Б.Түвшинбат 1987 онд төрсөн бөгөөд 1997 оноос эхлэн боксын спортоор хичээллэн, 2005 оноос Монгол Улсын шигшээ багт багтсан манай туршлагатай тамирчин.
Б.Түвшинбат дараагийн тойрогт Францийн Алекс Вастин, Германын Патрик Вожкики нарын аль ялсантай нь тулалдана.
М.Бүүвэй
