"American idol"-ын нэр хүндийг ганхуулсан “X factor USA” АНУ-д эхний шоугаа толилуулж, ялагчаар нь Мелани Амаро хэмээх бүсгүй тодорсон билээ. Уг шоуг Саймон Коул, L.A Raid болон “Pussycat dolls”-ийн Николь Шерзингэр, дуучин Паула Абдул нар шүүснийг та санаж байгаа байх. Тэгвэл эхний season дууссаны дараа Паула, Николь нар тэмцээнийг дахин шүүхээс татгалзсан бөгөөд орных нь хоёр хүнийг олох хүндхэн даваа Саймон Коулын өмнө иржээ. Тэгвэл “Биллбоард” сэтгүүл Николь, Паула нарыг орлож, шүүгчээр сонгогдох хамгийн боломжтой эмэгтэй уран бүтээлчдийг ийн жагсаажээ.
Донна Саммер: Диско хатан хаан хэмээгдэж явсан Донна, түүний хүчирхэг дуу хоолой, арвин туршлага “X factor USA”-д хэрэгтэй. Гэвч залуу оролцогч, үзэгчид түүнийг тэр бүр сайн мэддэггүй нь нэгэн том саад болж байна. 
Натали майнес: Алдарт “Dixie Chicks” хамтлагийн гоцлол дуучин Натали эмэгтэй Саймон болж чадах бөгөөд амжилттай карьер, үзэл бодолдоо бат зогсож, шулуун шударга үгтэй зэрэг нь шүүгчээр ажиллахад хамгийн тохирохыг илтгэнэ. “Грэмми”-ийн шагналт Натали хөгжмийн урлагийн салбарын бүх дүрмийг гартаа хийсэн нэгэн. 
Блайдж, Мэри Джей: Тэр бол супер од. Мөн “American idol” нэвтрүүлэгт зочин шүүгчээр ажиллаж байхад нь ямар чадварлаг болохыг нь бид дэлгэцнээс харсан. Гэвч хип хоп, R&B од поп урлагийг ойлгож, хүмүүст зөвлөгөө өгч чадах уу? 
Нэр байна!Алиша Киз: Хүүхэд төрүүлснээс хойш урлагийн ертөнцөөс түр “чөлөө авсан” түүнд энэ шоу тайзнаа дахин мандах түлхүүр болох боломжтой. Гэвч тэрбээр Саймоны хажууд суугаад Паула Абдулыг орлоно гэхээр танд ямар санагдаж байна вэ? 
Опра Гэйл Уйнфри: Опрагийн шоундаа цэг тавьж, телевизийн захирлаар ажиллах болсон Опраг бид саначихжээ. Тэрбээр хөгжмийн өндөр мэдрэмжтэй, гайхалтай зөвлөгч, сонсогч, шүүмжлэгч байж чадахаар эмэгтэй. Гэвч тэр Саймоны сүрд дарагдаж, хоёрдугаар тоглогч байж таарахгүй. Тэгэхээр хоёрын хоёр “эзэн”-тэй шоу амжилттай болно гэж тооцоолоход бэрх. 
Пинк: Түүнд бүх боломж бий. Хит дуу, амжилттай карьер, хувь хүний зан чанар гээд л. Гэвч түүнийг “Voice” шоу Кристина Агилера шиг хэнд ч хэрэггүй хүн болох вий гэхээс шүүгчид ч, үзэгчид ч эмээж байна. 
Ферги: “Black eyed peas” хамтлагаас гарч буйгаа албан ёсоор мэдэгдсэн тэрбээр хоёр дахь цомгийн ажилдаа хэдийнэ орсон. Түүний хүчирхэг карьер Паулаг ч бут цохиж, шоуны нэр хүндийг өсгөж чадна. 
Мэрайя Кэри: Тэр бол хамгийн төгс сонголт. Тэр Саймон, L.A Raid нарыг ёстой л чимж, бас ч гэж өөрийн амжилттай карьерийн дагуу оролцогчдод үнэтэй зөвлөгөө өгч, сэтгэл татам байдлаараа үзэгчдийн тоог ч нэмэгдүүлж чадна. Гэвч тэр үүнийг зөвшөөрөх болов уу? 
