Сүүлийн үед урлаг соёлын одод балет бүжиглэх хоббитой болжээ. Мэдээж хэрэг, тэд алдарт “Хунт нуур”, “Шёлкунчик” зэрэг бүжгэн жүжгийн гол дүрд тоглох гээгүй.
Зүгээр л бие галбираа хөгжүүлэн, сэтгэлийн амар амгалан хийгээд урлагийн гоо зүйг мэдрэх гэсэндээ тэр гэнэ. Фитнесс, усан бассейн, аэробек, бүжгийн дугуйлан, зөв хооллолтын клуб, бясалгалын төв гэх мэт олон газраар хэсээд залхсан бололтой дог.
Тиймээс энэ удаа балетаар хичээллэж, элдэв сунгалтын дасгал хийгээлд хөлсөө урсгаж явна. Балетын урлагт дурласан оддын эгнээг “Гурван охин” хамтлаг, хийлч Ч.Дэлгэрцэцэг, Улсын филармонийн гоцлол дуучин Л.Насанбуян нар тэргүүлж байгаа аж.
Харин тэдний араас гавьяат жүжигчин Т.Ариунаа, дуучин Э.Оюумаа хоёр эрчимтэй нь аргагүй дагаж байгаа бөгөөд сургалтын төвдөө сэм сэмхэн айлчилдаг болжээ. Туршлагатай бүжгийн багш хөлслөн хэрэндээ л хөдөлмөрлөж буй балетчин одод нэг л өдөр “Хунт нуур”-т чуулж, сонсогч фэнүүдээ шоконд оруулах вий дээ.
Р.Есүй
