Зүүн бүсийн ард түмний дунд “Гарамгай сайн дуучин” шалгаруулах улсын уралдаан ирэх сарын 2-5-нд Хэнтий аймгийн Дадал сумд болох аж. Энэ талаар тэмцээний ерөнхий шүүгч, Соёлын гавьяат зүтгэлтэн Д.Ухнаа ярихдаа “Урлагийн тэмцээнүүдэд орон нутгийнхан оролцох нь ховор. Энэ уралдааны дараа баруун, төвийн бүсүүдэд энэ уралдааныг зарлана. Энд дуулах сонирхолтой хүн бүр оролцож болно. Нууцлаг авьяасыг нээх, дуулах чадварыг хөгжүүлэх зорилгоор зохион байгуулж байна. Уралдаанд алдар цолтой хүнээс бусад бүх оролцогчдыг нас, мэргэжил харгалзахгүйгээр бүртгэж байгаа” гэв. Оролцогчид эхний шатанд өөрийн сонгосон дуугаа хөгжимгүй дуулан бол хоёрдугаар шатанд ардын дууг Хан Хэнтий чуулгын уран бүтээлчдийн хамт дуулж оролцох юм байна. Бүртгэлийн хугацаа долдугаар сарын 16-наас эхэлсэн ба одоогоор 50 орчим хүн бүртгүүлжээ.
www.urlag.mn Ayu
