Дэлхийн улс орнууд гепатиттай тэмцэх өдрийг жил бүр тэмдэглэдэг. Манай улс энэ өдрийг “Гепатитын халдвар таны бодсоноос ч ойр байна. Үүнийг мэд. Үүнтэй тэмц” гэсэн уриатай тэмдэглэж байна. Энэхүү өдрийн хүрээнд үнэгүй шинжилгээ хийлгэж зөвлөгөө авахыг хүссэн хүмүүст ХӨСҮТ-үүд нээлттэй аж. Шинжилгээ зөвлөгөө өгөх өдөр өнөөдрөөс дуусгавар болж байгаа юм байна. Хэрвээ хүсвэл энэ өдөр гепатитын эсрэг вакцинд ч үнэгүй хамрагдаж болох аж. Гепатитын халдварт өртөх өндөр магадлалтай хүмүүст эмч, эмнэлгийн ажилчид ордог учраас ДЭМБ-аас ЭМЯ-нд 16 мянган эрүүл мэндийн ажилчдыг дархлаажуулах 50 мянган тун вакциныг тариур, аюугүй хайрцагтай нь хамт хандивлажээ. Манай улс гепатитаар өвчлөгсдийн тоогоор дэлхийд дээгүүрт ордог байна. Улсын хэмжээнд нийт хүн амын 77 хувь нь уг өвчний халдвартай, 22 хувь нь архаг халдвартай гэсэн судалгаа гарчээ
