Рок попын тогоонд шуугиантайхан мэндэлж өөрсдийн орон зайг хэдийнээ олсон хамтлаг бол “Киви”. Энэ ертөнцийн “акул”-уудын нэг Ангирмаагийн “өнгөт үрэл”-үүд уран бүтээлдээ эргэн орох гэнэ. Хамтлагийн ахлагч Укагийн “I am in love” цомог “Киви хамтлаг тарна” гэсэн шуумыг араасаа дагуулж байсан. Гэтэл “Киви” хамтлаг тараагүй. Тэд тун удахгүй таван дуутай шинэхэн цомгийнхоо ажилд шамдаад байгаа юм байна. “Киви” хамтлагийн цомог мэргэжлийн өндөр түвшинд бүтээгдсэн чанартай цомог болох гэнэ. Хамтлагийн гишүүдийн хувьд Намуунаа мэдлэгээ дээшлүүлэхээр сурч байгаа. Харин Агийгийн хувьд хувийн ажилдаа анхаарлаа хандуулаад байгаа гэнэ.
Л.Цэрэнбадам
