Монголын сайхан оронд минь зун цаг тохиож буй учраас манай орныг зорих жуулчдийн тоо олширч тэдгээрт зориулсан ардын урлагийн тоглолтууд олонтоо болж байна. Үүний нэг нь үндсний хөгжмийн “Домог” хамтлагийнхан Хустайн нуруунд жуулчдад зориулан тоглолтоо толилуулах гэнэ. Тэд 2007 онд анхны “Домог” цомгоо өлгийдөн авсан бөгөөд тэр жилдээ “Миний зүрхний аялгуу”, 2009 онд “Биширтүгэй, Айтугай” хэмээх гурав дахь цомгоо фенүүддээ хүргэсэн юм. Мөн тус хамтлагийн уран бүтээлчид язгуур урлагт хувь нэмэр оруулж яваа “Хөсөгтөн”, “Алтан ураг”, “Арга билэг”, “Жонон” хамтлагуудтай хамтран өнгөрсөн хоёрдугаар сард томоохон тоглолтыг хийсэн нь үзэгчдийг байлдан дагуулсан. Дээрх таван хамтлагийн хамтарсан тоглолтыг ирэх арваннэгдүгэр сард Японы хэд хэдэн хотод хийхээр төлөвлөөд байгаа учир тоглолтын бэлтгэлээ базааж эхэлсэн мэдээлэл байна.
www.urlag.mn Ayu
