СГЗ Д.Ухнаагийн өнгөлөг ач охин Намуунаа Киви хамтлагийн амин сүнс яах аргагүй мөн бөгөөд рок попын тогоонд хамгийн өвөрмөц дүр төрх, имижтэй гэдгээрээ эрхгүй ялгардаг. Тус хамтлагийн Монгол охин байсхийгээд солигддог ч од болох хүсэлтэй авьяастай охид захаас аваад олдчихдог учраас хамтлагт хүндрэл төвөг учирдаггүй аж. Харин Укагийн хувьд хамтлагаас гарлаа гэхэд бас л нэг охины үсийг шараар будаад орлуулж болно. Гэсэн ч Ука өөрөө Кивигүй оршин тогтнох боломжгүй тул өөр охиныг өөд татах шаардлага гарахгүй нь ойлгомжтой. Харин Намуунаагийн хувьд хамтлагаасаа гарлаа гэхэд Киви үндсэндээ таалал төгч мэдэхээр юм. Яагаад гэвэл Монголд эрлийз охид олон ч авъяастай, үзэсгэлэнтэй Намуунаа шиг өвөрмөц охид, бүсгүйчүүд тэр бүр таараад байхгүй юм. Тэр ч утгаараа Ука СТА гэх гайтай тэмдэг зүүснээс болж тус хамтлаг тарах, бутрах дээрээ тулахад Намуунаад СТА түргэвчлэн олгуулж байж л асуудал эвэндээ орсон.
Тэгвэл Киви хамтлагийн өнгө төрх, оршин тогтнох үндэс нь болсон Намуунаа Габоны дипломатч аавтай бөгөөд одоогоос 2, 3 жилийн өмнө аавтайгаа уулзаад ирсэн гэнэ. Тэрээр Габон аав, ээж хоёрынхоо залуу насны хайрын билэгдэл нь бөгөөд тэд яс үндэс, тив орон тэс өөрийн эрхээр хоёр тийш болсон гэдэг. Харин Намуунаагийн аав Габоны нөлөө бүхий эрхэм байдаг бөгөөд том болсон, авъяаслаг охиноороо чин сэтгэлээсээ бахархдаг болсон гэсэн.
Ш.Булга
