Америкийн кабелийн “HBO” телевиз Их Британийн алдарт “The Rolling Stones” хамтлагийн 50 жилийн ойд зориулж баримтат кино бүтээх гэнэ. Энэхүү баримтат киног Brett Morgan найруулах аж. Тэрбээр “The Rolling Stones” бол дэлхийн хамгийн алдартай рок-н-ролл хамтлаг. Баримтат кинонд тус хамтлагийн одоогийн гишүүд болон урьд нь байсан бүх гишүүдийг оролцуулна. Бид хамтлаг анх байгуулагдсан үеэс эхлээд алдрын оргилд хүрсэн үе хүртэлх бүхий л үеийг харуулах болно.” хэмээн ярьжээ. Баримтат киног хэзээ дэлгэцээр гаргахыг удахгүй мэдээлэх аж. “The Rolling Stones” хамтлаг нь 1962 онд Лондонд байгуулагдсан бөгөөд хамгийн удаан оршин тогтносон хамтлагуудын нэг юм. Мөн тус хамтлаг дэлхий даяар ойролцоогоор 200 сая цомог борлуулсан юм. “The Rolling Stones” хамтлагийн одоогийн гишүүд нь Английн хөгжимчин, дуучин, Мик Жаггер, гитарчин Кит Ричардс, бөмбөрчин Чарли Уотс, басс гитарчин Рональд Дэвид нар юм. Урьд нь тус хамтлагийн бүрэлдэхүүнд басс гитарчин Билл Уаймэн, Мик Тейлор нар мөн байжээ.
Б.Анхтуяа
