Сүүлийн үед мал амьтнаас хүнд халдварлах өвчин ихээр гарах болсонтой холбогдуулан ОБЕГ-аас иргэд хөдөлмөрчдийг тарваган тахал өвчний халдвараас урьдчилан сэргийлэхийг анхааруулж байна.Одоогоор Хан-Уул дүүргийн нутагт мал амьтны халдвар орохоос урьдчилан сэргийлэх зорилгоор “Хяналт шалгалт явуулах ажлын хэсэг” байгуулан ажиллаж байгаа аж.
Тус хэсгийн үйл ажиллагаа өнгөрөгч долдугаар сараас эхэлсэн бөгөөд аравдугаар сар хүртэл үргэлжлэх юм байна.
Улмаар Нисэх, Яармаг, Био комбинатын үйлдвэрийн авто тээврийн шалганд 24 цагаар үйл ажиллагаагаа явуулж байгаа бөгөөд энэ бүсэд тарваганы мах, түүхий эд, дагалдах бүтээгдэхүүнийг оруулахыг хориглох, мал амьтнаас хүнд халдварладаг өвчин гарахаас урьдчилан сэргийлэх зорилгоор нүүдлийн мал амьтан оруулахгүй байх, малын түүхий эдээр үйлдвэрлэл худалдаа явуулдаг аж ахуйн нэгж, байгууллагуудад эрүүл ахуй халдвар судлалын хяналтын үзлэг тандалт, шинжилгээг тогтмол зохион байгуулж байна.
