”Мөрөөдлийн үзэг”-ийг Б.Мөнхдорж найруулна

Засгийн газрын хэрэгжүүлэгч агентлаг, Соёл урлагийн хорооноос хүүхдэд зориулсан уран бүтээлийг олшруулж, хөгжүүлэх зорилгоор драм, хүүхэлдэйн жүжиг, дууны цомгийн төслийн уралдааныг зарласан билээ. Уг төслийн драмын жүжгийн төрөлд Д.Нацагдоржийн нэрэмжит шагналт, зохиолч Ц.Түмэнбаярын “Мөрөөдлийн үзэг” жүжгийн зохиол шалгарсан байна. Тус жүжгээр 13-16 насны хүүхдүүдийн үерхэл нөхөрлөл, хүсэл мөрөөдөл, багш сурагчдын харилцааг үзүүлэх гэнэ.

“Мөрөөдлийн үзэг”-ийн найруулагчаар МУАЖ Б.Мөнхдорж, зураачаар СТА Д.Баярмагнай нар ажиллахаар болжээ. Зохиолч Ц.Түмэнбаярын эл жүжиг ирэх арваннэгдүгээр сард нээлтээ хийнэ.

Б.Номин-Эрдэнэ