Нью-Йорк хотын шүүх Холливудын нэрт жүжигчин Брюс Уиллис, Деми Мур нарын охин Скаут Уиллисыг хэрэв тэрээр аравдугаар сарын 2-ноос өмнө нийгэмд тустай хөдөлмөр хоёр хоног хийвэл ялгүй өнгөрч болох юм гэсэн шийдвэр гаргасан байна.
Энэ оны зургаадугаар сарын эхээр 20 настай Скаут бүсгүй Нью-Йорк хотын метроны нэгэн буудал дээр лаазтай шар айраг ууж байгаад цагдаа нарт саатуулагдсан билээ. Хууль сахиулагчдад тэрээр Кэтрин Келли гэдэг хүний бичиг баримтыг харуулжээ.
Саатуулагдах үедээ бүсгүй 21 нас хүрээгүй байсан юм. АНУ-д энэ насыг зооглосон хүмүүс согтууруулах ундаа худалдан авах эрхтэй болдог аж. Мөн тус улсад олон нийтийн газар согтууруулах ундаа хэрэглэх явдлыг хуулиар хориглосон билээ.
